लघुवित्तको मंसिर ११ गते बसेको सञ्चालक समितिको बैठकले लाभांश वितरण तथा साधारण सभा प्रयोजनको लागि मंसिर २० गतेदेखि बुकक्लोज गर्ने निर्णय गरेको हो।
यसअनुसार मंसिर १९ गतेसम्ममा लघुवित्तको शेयर खरिद गरी शेयरधनी कायम भएकाहरुले मात्र लघुवित्तको लाभांश र साधारण सभामा सहभागि हुन पाउनेछन्।
साधारण सभामा लघुवित्तले गत आर्थिक वर्षको कमाईबाट ३३.६८ प्रतिशत लाभांश वितरण गर्ने प्रस्ताव लैजाने भएको छ। जसमा चुक्ता पूँजीको ३२ प्रतिशत अर्थात तीन करोड २० लाख रुपैयाँ बराबरको बोनस शेयर तथा कर प्रयोजनका लागि १.६८ प्रतिशत अर्थात १६ लाख ८४ हजार २१० रुपैयाँ नगद लाभांश रहेको छ।
त्यसैगरी लघुवित्तले सभामा बोनशपश्चात कायम हुने चुक्ता पूँजीको २ बराबर १ को अनुपातमा हकप्रद निष्काशन गर्ने प्रस्ताव समेत लैजाँदैछ।