सो शेयर खरिदका लागि लगानीकर्ताले न्यूनतम १०० रुपैयाँ वा सोभन्दा बढी मूल्य कबोल गरी आवेदन दिन सकिनेछ। लगानीकर्ताले न्यूनतम १०० कित्तादेखि अधिकतम कित्तासम्मका लागि शिलबन्दी बोलपत्र पेश गर्न सक्नेछन्।
खण्डित शेयरमा गरिएको आवेदन रद्द हुनेछ भने संस्थापक शेयरका लागि हाल कायम संस्थापक शेयरधनीहरुले मात्र आवेदन दिन सक्नेछन्। बैंकको धितोपत्र निष्कासन तथा बिक्री प्रबन्धक मुक्तिनाथ क्यापिटल लिमिटेड रहेको छ।
बैंकले भदौ १२ गतेदेखि असोज १५ गतेसम्म बिक्रीमा ल्याएको चुक्तापूँजीको २० प्रतिशत हकप्रद शेयरमा आवेदन नपरेको शेयर लिलाम बढाबढ गरी बिक्री गरेको हो। बैंकको हकप्रदलाई इक्रा नेपालले ‘ग्रेड ३’ रेटिङ्ग दिएको थियो जसले औसत आधार जनाउँछन्।
हाल ३ अर्ब ६ करोड ४७ लाख ६० हजार रुपैयाँ चुक्ता पूँजी रहेको बैंकको हकप्रद निष्काशन पश्चात विकास बैंकहरुमा सबैभन्दा धेरै ३ अर्ब ६७ करोड ७७ लाख १२ हजार रुपैयाँ पुग्नेछ।
