सो अवधिसम्ममा सर्वाधिक नाफा आइसीएफसी फाइनान्सले कमाएको छ। असोज मसान्तसम्ममा फाइनान्सले ३ करोड ५ लाख ७७ हजार रुपैयाँ खुद नाफा कमाएको छ। फाइनान्सको चुक्ता पूँजी ८८ करोड २१ लाख रहेको छ भने जगेडा कोषमा ४३ करोड ७६ लाख रुपैयाँ सञ्चित छ। फाइनान्सको प्रतिशेयर आम्दानी १३ रुपैयाँ ८४ पैसा रहेको छ।
सबैभन्दा कम नाफा सिर्जना फाइनान्सको रहेको छ भने दुई फाइनान्स कम्पनीहरुको नोक्सानीमा छन्। सो अवधिसम्ममा सिटी एक्सप्रेसले २५ लाख रुपैयाँ र रिलायन्स फाइनान्सले १ करोड रुपैयाँ नोक्सानी व्यहोरेको छ।
वित्तीय विवरण सार्वजनिक गरेका १७ मध्ये ७ फाइनान्स कम्पनीको प्रतिशेयर आम्दानी १० रुपैयाँभन्दा बढी रहेको छ भने दुईको ऋणात्मक रहेको छ।
सबैभन्दा धेरै प्रतिशेयर आम्दानी भने प्राइम कमर्सियल बैंकसँग एक्वीजिशन प्रकृयामा रहेको ललितपुर फाइनान्सको ३१ रुपैयाँ १२ पैसा रहेको छ। २३ करोड ६८ लाख चुक्ता पूँजी रहेको फाइनान्सले असोज मसान्तसम्ममा १ करोड ८४ लाख खुद नाफा आर्जन गरेको छ।
नाफा कमाउने १५ कम्पनीमध्ये सबैभन्दा कम प्रतिशेयर आम्दानी युनाइटेड फाइनान्सको रहेको छ। वित्तीय विवरण अनुसार फाइनान्सको प्रतिशेयर आम्दानी १ रुपैयाँ ४८ पैसा मात्र रहेको छ।
सर्वाधिक प्रतिशेयर आम्दानी रहेको ललितपुर फाइनान्सको शेयरमा प्रतिफल (आरओई) पनि उच्च नै रहेको छ। असोज मसान्तसम्ममा सो फाइनान्सको आरओई ४६.४१ प्रतिफल रहेको छ।
सबैभन्दा कम प्रतिफल भने सिटी एक्सप्रेसको रहेको छ। सो अवधिसम्ममा सिटी एक्सप्रेसको आरओई ३.८७ प्रतिशत ऋणात्मक रहेको छ।
चुक्ता पूँजीका आधारमा युनाइटेड फाइनान्स सबैभन्दा अगाडि रहेको छ। सो फाइनान्सको चुक्ता पूँजी १ अर्ब १ करोड रहेको छ। फाइनान्सको जगेडा कोषमा ५० करोड १० लाख रुपैयाँ सञ्चित छ। सबैभन्दा कम चुक्ता पूँजी भने मल्टीपर्पस फाइनान्सको रहेको छ। असोज मसान्तसम्ममा मल्टीपर्पसको चुक्ता पूँजी १५ करोड १० लाख मात्र रहेको छ।
गोर्खाज फाइनान्सले जगेडा कोषमा अन्य फाइनान्सको तुलनामा बढी रकम सञ्चित गरेको छ। वित्तीय विवरण अनुसार प्रथम त्रैमाससम्ममा फाइनान्सले ५३ करोड १ लाख रुपैयाँ जगेडा कोषमा सञ्चित गरेको छ।
सिटी एक्सप्रेस फाइनान्सको जगेडा कोष भने सो अवधिसम्ममा १४ करोड २९ लाख ऋणात्मक रहेको छ।
निक्षेप तथा कर्जाका आधारमा आईसीएफसी फाइनान्स अगाडि रहेको छ भने सिटी एक्सप्रेस पुछारमा रहेको छ। आईसीएफसीले असोज मसान्तसम्ममा ११ अर्ब ५ करोड ३८ लाख निक्षेप सङ्कलन गरी ८३ करोड ६६ लाख कर्जा प्रवाह गरेको छ।
त्यसैगरी, पुछारमा रहेको सिटी एक्सप्रेसले १२ करोड ७ लाख निक्षेप सङ्कलन गरी १७ करोड ३० लाख कर्जा प्रवाह गरेको छ।
प्रथम त्रैमाससम्ममा १७ फाइनान्स कम्पनीहरुले औषतमा ५ करोड ७९ लाख रुपैयाँ खुद ब्याज आम्दानी गरेका छन्। सो अवधिसम्ममा फाइनान्स कम्पनीहरुमध्ये मञ्जुश्री फाइनान्सले सर्वाधिक खुद ब्याज आम्दानी गरेको छ। सो फाइनान्सले असोज मसान्तसम्ममा १२ करोड ९८ लाख खुद ब्याज आम्दानी गरेको छ। सबैभन्दा कम खुद ब्याज आम्दानी भने मल्टीपर्पस फाइनान्सको रहेको छ। सो अवधिसम्ममा मल्टीपर्पसले १८ लाख २७ हजार खुद ब्याज आम्दानी गरेको छ।