रिडी हाइड्रोपावर कम्पनीले पुस ४ गते १८ औं वार्षिक साधारण सभा आह्वान गरेको छ। रिडी हाइड्रोपावरको कार्तिक २२ गते शुक्रबार बसेको सञ्चालक समितिको बैठकले शेयरधनीहरुलाई गत आर्थिक वर्ष २०७५/७६ को मुनाफा तथा सञ्चितीबाटबाट चुक्ता पूँजीको ५ प्रतिशत बोनस शेयर र कर प्रयोजनका लागि ०.२६ प्रतिशत नगद लाभांश सहित ५.२६ प्रतिशत लाभांश वितरण गर्ने प्रस्ताव गरेको थियो।
चुक्ता पूँजी ५३ करोड ११ लाख १८ हजार रुपैयाँ रहेको हाइड्रोको ५ प्रतिशत बोनसपश्चात हाइड्रोको पूँजी ५५ करोड ७६ लाख रुपैयाँ पुग्नेछ।
चालु आर्थिक वर्षको पहिलो त्रैमासमा रिडीले एक करोड ३ लाख रुपैयाँ नाफा कमाएर वार्षिक प्रतिशेयर आम्दानी ७ रुपैयाँ ७६ पैसा कायम गरेको थियो।
दोस्रो बजारमा अंकित मूल्यभन्दा कम मूल्य रहेको यस हाइड्रोको शेयर मंसिर १७ गते, मंगलबार ७४ रुपैयाँमा अन्तिम कारोबार भएको थियो।
