छनौटमा परेका ४ जनामा निवर्तमान प्रमुख कार्यकारी अधिकृत चिरायु भण्डारी देखि राष्ट्र बैंकका अवकाश प्राप्त कर्मचारी समेत रहेका छन्।
राष्ट्र बैंकको निर्देशकबाट अवकाश प्राप्त गरेका अशोक कुमार पौडेल, राष्ट्रिय वाणिज्य बैंकका पूर्व कर्मचारी शंकर कुमार रायमाझी र कृषि विकास बैंकका पूर्व कर्मचारी शेषरमण आचार्य छनौट भएका हुन्। यसअघि आवेदन दिएका युनाइटेड इन्स्योरेन्सका पूर्वप्रमुख कार्यकारी अधिकृत शेखर बराल र नबिल बैंकका पूर्व ब्यवस्थापक ज्ञानेश्वर आचार्य भने सीइओ बन्ने दौडबाट बहिरीएका छन्।
छनौटमा परेको उम्मेदवारलाई कम्पनीले मंसिर २२ गते कम्पनीको कार्यालय, थापाथलीमा प्रस्तुतिकरण तथा अन्तरवार्ताको लागि बोलाएको छ। पौडेललाई अपरान्ह ४ बजे, भण्डारीलाई अपरान्ह ४ः३० बजे, आचार्यलाई अपरान्ह ५ बजे र रायमाझीलाई ५ः३० बजे बोलाएको छ।
गत असार मसान्तमा सीईओ चिरायु भण्डारीको चार वर्षे कार्यकाल सकिएपछि कम्पनीले नयाँ सीईओ नियुक्तीको प्रक्रिया थालेको हो।
कम्पनीले रिक्त सीईओ पदका लागि २१ दिनको समय तोकेर गत असोज २४ गते आवेदन माग गरेको थियो।