लघुवित्तले आगामी पुस ११ गते आयोजना गरिने छैठौँ वार्षिक साधारण सभाबाट ३२ प्रतिशत बोनस शेयर वितरण गर्ने प्रस्ताव अनुमोदन गर्नेछ। यसका साथै सो सभाले कर प्रयोजनको लागि १.६८ प्रतिशत नगद लाभांश वितरण गर्ने तथा बोनस शेयर वितरणपश्चात कायम हुने चुक्ता पूँजीको ५० प्रतिशत अर्थात २ बराबर १ अनुपातमा हकप्रद निष्कासन गर्ने प्रस्ताव पनि पारित गर्नेछ।
हाल लघुवित्तको चुक्ता पूँजी १० करोड रहेको छ। ३२ प्रतिशत बोनस शेयर वितरण पश्चात लघुवित्तको चुक्ता पूँजी १३ करोड २० लाख पुग्नेछ।
मंसिर १८ गते बुधबार दोस्रो बजारमा लघुवित्तको शेयर प्रतिकित्ता ७५३ रुपैयाँमा अन्तिम कारोबार भएको थियो।
