आरएसडिसी लघुवित्त (RSDC) को गत मंसिर १३ गते सम्पन्न छैठौँ वार्षिक साधारण सभाले पारित गरेको १० प्रतिशत नगद लाभांश (कर सहित) शेयरधनीहरुको बैंक खातामा जम्मा गरेको हो। लघुवित्तले कात्तिक २७ गतेसम्म हितग्राही खातामा बैंक खाता अद्यावधिक गराएका शेयरधनीहरुको खातामा सो नगद लाभांश जम्मा गरेको हो। लघुवित्तको शेयर रजिष्ट्रर एनआईबिएल एस क्यापिटल लिमिटेड रहेको छ।
त्यसैगरी, बोटलर्स नेपाल (तराई) (BNT) ले गत कात्तिक २८ गते सम्पन्न ३३ औँ वार्षिक साधारण सभाबाट पारित गरेको कर सहित प्रतिकित्ता ४० रुपैयाँ नगद लाभांश हितग्राही खातामा बैंक खाता अद्यावधिक गराएका शेयरधनीहरुको खातामा जम्मा गरेको हो। साधारण सभा तथा लाभांश वितरण प्रयोजनको लागि कम्पनीले कात्तिक १४ गते बुक क्लोज गरेको थियो।
हालसम्म भौतिक शेयर धारण गरेका शेयरधनीहरुलाई शिघ्र शेयर अभौतिकीकरण गराई हितग्राही तथा बैंक खाताको विवरण बुझाउन दुबै कम्पनीले अनुरोध गरेको छ।