पछिल्लो केही वर्षयता पाकिस्तानले भयावह आर्थिक संकटको सामना गरिरहेको छ र उसको आर्थिक वृद्धि सुस्त हुनका साथै वैदेशिक विनिमय सञ्चिति पनि घट्दो अवस्थामा रहेको छ।
सुस्ताउँदो अर्थतन्त्रमा सुधार तथा सार्वजनिक वित्त क्षेत्रलाई सहायता दिन एडीबीले पाकिस्तानलाई उक्त ऋण सहयोग दिने निर्णय गरेको हो।
एडीबीका मध्य र पश्चिमी एशियाका महानिर्देशक वेर्नर लाइवपकले भने, पाकिस्तानको अर्थतन्त्रमा सुधार र बाह्य आर्थिक जोखिम कम गर्नका लागि विस्तृत सहायता प्रदान गर्न एडीबी प्रतिबद्ध छ।
एडीबीले समग्र ऋणमध्ये १ अर्ब डलर अहिलेको बजेट घाटा कम गर्न र बाँकी ३० करोड ऊर्जा कार्यक्रमको विस्तारका लागि प्रदान गरिएको बताएको छ।
एडीबीको ऋणबाहेक पाकिस्तानले चीन, साउदी अरेबिया लगायतका मुलुकबाट १० अर्ब ४० करोड ऋण लिइसकेको छ।
-एजेन्सी
