नेप्सेले सोल्टी होटलको १५ प्रतिशत बोनस समायोजन गरि प्रतिकित्ता १८७ रुपैयाँ ८३ पैसा निर्धारण गरेको छ।
सोल्टी होटलले गत आर्थिक वर्षको मुनाफाबाट लाभांश वितरण गर्न पुस २४ गते ४५ औं वार्षिक साधारणसभा आह्वान गरेको छ। होटलले नेपाल प्रज्ञा भवन, कमलादीमा बिहान ११ बजे साधारण सभा बोलाएको हो।
साधारण सभामा होटलले हाल कायम चुक्ता पूँजीको २६.३१५ प्रतिशत लाभांश वितरण गर्ने प्रस्ताव लैजादैछ जसमा १५ प्रतिशत बोनस शेयर र कर प्रयोजनका लागि समेत कूल ११.३१५ प्रतिशत नगद लाभांश अनुमोदन गर्ने प्रस्ताव रहेको छ।
साधारण सभा प्रयोजनको लागि होटलले मंसिर २५ गतेदेखि पुस २४ गतेसम्म बुकक्लोज गर्नेछ। यसअनुसार मंसिर २४ गतेसम्म कायम शेयरधनीहरुले होटलको लाभांश प्राप्त गर्न सक्नेछन्।
हाल होटलको चुक्ता पूँजी ७३ करोड २६ लाख ७५ हजार रहेको छ। १५ प्रतिशत बोनस शेयर वितरण पश्चात होटलको चुक्ता पूँजी ८४ करोड २५ लाख ७६ हजार पुग्नेछ।
बुधबार यहि समायोजित मूल्यलाई आधार मानेर होटलको शेयर कारोबार सुचारु हुनेछ।