यस्तै अग्नि बीमाबाट १ अर्ब ८५ करोड, विविधबाट १ अर्ब ६ करोड, सामुद्रिक बीमाबाट ७९ करोड, इन्जिनियरिङ बीमाबाट ६७ करोड र कृषि तथा बाली बीमाबाट ३९ करोड १६ लाख रुपैयाँ बीमा शुल्क संकलन भएकाे छ ।
बीमा कम्पनीहरूले सबैभन्दा थोरै हवाई बीमाबाट ३६ करोड ४० लाख रुपैयाँ बीमा शुल्क आर्जन गरेका छन्।
चुक्ता पूँजी १५ अर्ब ९८ लाख रुपैयाँ रहेको निर्जीवन बीमा कम्पनीहरुले यस अवधिमा ४० अर्ब ४१ करोड रुपैयाँ लगानी गरेका छन् भने बैंक तथा वित्तीय संस्थामा ३ अर्ब १४ लाख रुपैयाँ नगद मौज्दातमा राखेकाे बीमा समितिको तथ्यांक छ।
यस अवधिमा कुल ४० हजार ७३४ बीमा दाबी परेको छ भने २८ हजार ६९९ दाबीवापत ३ अर्ब ६१ करोड रुपैयाँ भुक्तानी भएको छ। यस्तै ४३ हजार ९८३ दाबी वापत १२ अर्ब ४१ करोड रुपैयाँ बराबरको भुक्तानी गर्न बाँकी रहेको समितिको तथ्यांक छ । यस अवधिमा २२२ दाबीमा मुद्धा परेको छ।
यस अवधिमा निर्जीवन बीमा कम्पनीहरुले कुल ४ अर्ब २० करोड रुपैयाँ पुर्नबीमा शुल्क वापत भुक्तानी गरेका छन्। यस्तै पुर्नबीमा कमिशन वापत १ अर्ब २५ करोड रुपैयाँ आम्दानी गरेका छन्।
हाल सम्ममा बीमा समितिले निर्जीवन बीमातर्फ १४४ प्रकारका बीमालेखहरु प्रचलनमा ल्याएको छ।
कार्तिक मसान्त सम्ममा ८ लाख ४२ हजार ५८२ बीमालेख कायम रहेको बीमा समितिले जनाएको छ। निर्जीवन बीमा तर्फ ४ हजार ३७८ जना अभिकर्ता रहेको समितिको तथ्यांक छ।
कूल ९१६ कार्यालयहरु रहेको निर्जीवन बीमा कम्पनीहरुमा ४ हजार ८८४ जना कर्मचारीहरु कार्यरत छन्।