सभाले शेयरधनीहरुलाई हाल कायम चुक्ता पूँजीको कर सहित कूल ८.४२१ प्रतिशत नगद लाभांश वितरण गर्ने प्रस्ताव पारित गर्नेछ। त्यसैगरी, सभामा अन्य आयोजनामा लगानी गर्नुपरेमा छलफल गरी सञ्चालक समितिलाई अख्तियारी दिने, संस्थापक शेयरधनीहरुको प्रतिनिधित्व गर्ने सञ्चालकहरुको निर्वाचन गर्ने र वित्तीय विवरण पारित गर्ने प्रस्ताव रहेको छ।
हाल कम्पनीको चुक्ता पूँजी १ अर्ब १५ करोड रुपैयाँ रहेको छ। गत आर्थिक वर्षको चौथो त्रैमासमा कम्पनीले ९ करोड १ लाख ८९ हजार रुपैयाँ खुद नाफा कमाएको थियो ।
साधारण सभा प्रयोजनका लागि कम्पनीले पुस ११ गतेदेखि १५ गतेसम्म बुक क्लोज गर्ने भएकाले पुस १० गतेसम्म कायम शेयरधनीहरुले मात्र कम्पनीले वितरण गर्ने लाभांश र साधारण सभामा भाग लिन पाउनेछन्।
