लघुवित्तले मंसिर १० गतेसम्म हितग्राही खातामा बैंक खाता अध्यावधिक गराएका शेयरधनीहरुको बैंक खातामा सो लाभांश जम्मा गरेको हो। लघुवित्तको मंसिर २० गते सम्पन्न आठौँ वार्षिक साधारण सभाले १५ प्रतिशत बोनस शेयर र ११.३२ प्रतिशत नगद लाभांश वितरण गर्ने प्रस्ताव पारित गरेको थियो।
साधारण सभाले अन्य इजाजत पत्रप्राप्त “घ” वर्गका लघुवित्त वित्तीय संस्थालाई प्राप्ती गर्न उपयुक्त देखिएमा सो सम्बन्धी आवश्यक कार्य अगाडि बढाउन सञ्चालक समितिलाई अख्तियारी समेत प्रदान गरेको छ।
गत आवको मुनाफाबाट १५ प्रतिशत बोनस शेयर वितरण पश्चात लघुवित्तको चुक्ता पूँजी २७ करोड ८३ लाख रुपैयाँ पुगेको छ।
२०६९ जेष्ठ २२ गतेबाट नुवाकोटको वट्टारबाट लघुवित्त कारोवार सुरु गरेको लघुवित्तले ५२ जिल्लामा ६७ वटा शाखा कार्यालयहरु मार्फत ८३ हजार जनालाई सेवा दिँदै आएको छ।
त्यस्तै गरी संस्थाले ४ अर्ब भन्दा बढी कर्जा लगानी गरेको छ भने आफ्ना ग्राहक सदस्यहरुबाट एक अर्ब ४५ करोड रुपैयाँभन्दा बढी बचत संकलन पनि गरेको विज्ञप्तिमा उल्लेख छ।
लघुवित्तको शेयर रजिष्ट्रार लक्ष्मी क्यापिटल मार्केट लिमिटेड रहेको छ।
