सभामा सञ्चालक समितिबाट सिफारिस भई नेपाल राष्ट्र बैंकबाट स्वीकृत भएको हाल कायम चुक्ता पूँजीको ३ प्रतिशत बोनस शेयर र सोको कर प्रयोजनार्थ सहित ६.५२ प्रतिशत नगद लाभांश वितरण गर्ने प्रस्ताव पारित गर्नेछ। यसका साथै, भारतको मुत्तूट फाइनान्सबाट सञ्चालक समितिमा १ जना प्रतिनिधित्व रहनेबाहेक संस्थापक शेयरधनीको तर्फबाट ३ जना तथा सर्वसाधारण शेयरधनीको तर्फबाट २ जना सञ्चालक निर्वाचन गर्ने र स्वतन्त्र सञ्चालक नियुक्ति अनुमोदन गर्ने प्रस्ताव पनि पारित गर्नेछ।
साधारण सभा तथा लाभांश वितरण प्रयोजनार्थ फाइनान्सले पुस ९ गतेदेखि २९ गतेसम्म बुक क्लोज गर्नेछ। यस अनुसार पुस ८ गतेसम्म नेप्सेमा कारोबार भई कायम शेयरधनीहरुले लाभांश पाउन तथा साधारण सभामा सहभागिता जनाउन सक्नेछन्।
एक अर्ब एक करोड ५ लाख १९ हजार रुपैयाँ चुक्ता पूँजी रहेको फाइनान्सको प्रस्तावित तीन प्रतिशत बोनस पश्चात एक अर्ब ४ करोड ८ लाख ३४ हजार ६४६ रुपैयाँ पूँजी कायम हुनेछ ।