पुस २५ गते बानेश्वर ब्यांकेट, थापागाउँ, नयाँ बानेश्वरमा बिहान ११ बजे आह्वान गरिएको १८ औं र १९ औं वार्षिक साधारण सभामा ७ वटा समान्य प्रस्ताव मात्र समावेश गरिएको छ।
सभामा सञ्चालक समितिमा संस्थापक समूह र सर्वसाधारण समूहको तर्फबाट प्रतिनिधित्व गर्ने सञ्चालकहरुको निर्वाचन गर्ने, सञ्चालकहरुको भत्ता अनुमोदन, आर्थिक वर्ष २०७६/७७ का लागि लेखापरीक्षक नियुक्त गरी पारिश्रमिक निर्धारण गर्ने, आव २०७४/७५ र ०७५/७६ को वासलात, नाफा-नोक्सान र नगद प्रवाह लगायतका वित्तीय विवरणमाथि छलफल गरि पारित गर्ने लगायतका एजेण्डा राखिएका छन्।
रामेछाप र दोलखामा बग्ने खिम्ती खोलामा १२ मेगावाट क्षमताको उपल्लो खिम्ती जलविद्युत आयोजना र ७ मेगावाट क्षमताको अपर खिम्ती जलविद्युत आयोजना निर्माण गरिरहेका यस कम्पनीले विद्युत उत्पादन नगरेकाले गत आवमा ५ लाख २२ हजार नोक्सानीमा रहेको छ।
साधारण सभा प्रयोजनका लागि कम्पनीले पुस १३ देखि २५ गतेसम्म बुकक्लोज गर्ने निर्णय गरेको छ।यसअनुसार पुस १० गते बिहीबारसम्म कायम शेयरधनीले मात्र साधारण सभामा प्रतिनिधित्व जनाउन पाउनेछन्।
हिमालय ऊर्जा विकास कम्पनीले गत वर्षको चैत २० देखि २५ गतेसम्म १४ लाख ८५ हजार कित्ता प्राथमिक शेयर (आईपीओ) सर्वसाधारणमा बिक्री गरि बैशाख ३ गते बाँडफाँड गरेको थियो।