गुडविल फाइनान्स (GFCL) को २५ औँ वार्षिक साधारण सभा गुडविल कम्प्लेक्स्, हात्तीसारमा बिहान ११ बजे शुरु हुनेछ। सभाले सञ्चालक समितिले प्रस्ताव गरेबमोजिम कर सहित १० प्रतिशत नगद लाभांश वितरण गर्ने प्रस्ताव पारित गर्नेछ। यसका साथै, एक जना महिलासहित संस्थापक शेयरधनीहरुको तर्फबाट सञ्चालक समितिमा प्रतिनिधित्व गर्ने ३ जना र सर्वसाधारणको तर्फबाट ३ जना सञ्चालकको निर्वाचन गर्ने प्रस्ताव पनि पारित गर्नेछ।
साधारण सभा प्रयोजनार्थ फाइनान्सले पुस १६ गतेदेखि २९ गतेसम्म बुकक्लोज गर्नेछ। पुस १५ गतेसम्म कारोबार भई कायम शेयरधनीहरुले सभामा सहभागिता जनाउन र लाभांश प्राप्त गर्न सक्नेछन्।
यता, गुहेश्वरी (GMFIL) को १८ औँ वार्षिक साधारण सभा गुहेश्वरी भवन, हरिहर भवनमा बिहान ११ बजे शुरु हुनेछ। सभामा गत आर्थिक वर्षको मुनाफाबाट ६.५ प्रतिशत नगद लाभांश वितरण गर्ने, उपयुक्त बैंक तथा वित्तीय संस्थासँग मर्जर अथवा एक्वीजिशनको कार्य गर्न र प्रबन्धपत्र तथा नियमावलीमा आवश्यक संशोधन गर्न सञ्चालक समितिलाई अख्तियारी दिने प्रस्ताव पारित गर्नेछ।
साधारण सभा प्रयोजनार्थ फाइनान्सले पुस २२ गतेदेखि २९ गतेसम्म बुकक्लोज गर्नेछ। पुस २१ गतेसम्म कारोबार भई कायम शेयरधनीहरुले सभामा सहभागिता जनाउन र लाभांश प्राप्त गर्न सक्नेछन्।
त्यसैगरी, मञ्जुश्री फाइनान्स (MFIL) ले पनि सोही दिन थापागाउँ ब्याङ्केट, थापागाउँ, नयाँ बानेश्वरमा बिहान ११ बजे १२ औँ वार्षिक साधारण सभा डाकेको छ। सभामा फाइनान्सले १.७५ प्रतिशत बोनस र ९.८० प्रतिशत नगद लाभांश वितरण गर्ने प्रस्ताव लैजाँदैछ। यसका साथै, सर्वसाधारण समूहको तर्फबाट प्रतिनिधित्व गर्ने २ जना सञ्चालकहरुको निर्वाचन गर्ने, उपयुक्त बैंक तथा वित्तीय संस्थासँग मर्जर अथवा एक्वीजिशनको कार्य गर्न र प्रबन्धपत्र तथा नियमावलीमा आवश्यक संशोधन गर्न सञ्चालक समितिलाई अख्तियारी दिने प्रस्ताव पारित गर्नेछ।
साधारण सभा प्रयोजनको लागि फाइनान्सले पुस १५ गते बुकक्लोज गर्नेछ। पुस १४ गतेसम्म कारोबार भई कायम शेयरधनीहरुले सभामा सहभागिता जनाउन र लाभांश प्राप्त गर्न सक्नेछन्।