पुस ८ गते बसेको फाइनान्सको सञ्चालक समितिको ३४६ औँ बैठकले सो दिन साधारण सभा गर्ने निर्णय गरेको हो। फाइनान्सको १८ औँ वार्षिक साधारण सभा होटल सामना, हेटौँडामा बिहान १० बजे शुरु हुनेछ।
सभामा हाल कायम चुक्ता पूँजीको १ बराबर १.२ अनुपातमा हकप्रद शेयर निष्कासन गर्ने, अन्य बैंक, तथा वित्तीय संस्थासँग मर्जर अथवा एक्वीजिसनको कार्य गर्न सञ्चालक समितिलाई अख्तियारी दिने लगायतका प्रस्तावहरु पारित गर्नेछ।
साधारण सभा प्रयोजनार्थ फाइनान्सले पुस २२ गतेदेखि २९ गतेसम्म शेयर दाखिल खारेज कार्य बन्द गर्ने भएको छ।
राष्ट्र बैंकबाट समस्याग्रस्त बाट फुकुवा भएर नयाँ नामबाट कारोबार गर्दै आएको साविक वल्र्ड मर्चेन्ट बैंकिङ एण्ड फाइनान्सले अर्को समस्याग्रस्त संस्था क्रिस्टल फाइनान्सलाई आफुमा गाभ्ने सम्झौता गरेको छ।
वल्र्ड मर्चेन्ट बैंकिङ एण्ड फाइनान्सलाई नेपाल राष्ट्र बैंकले समस्याग्रस्त मुक्त घोषणा गरेपछि नयाँ समूहले लिएर फाइनान्सको नाम तथा लोगो परिवर्तन गरी समृद्धि फाइनान्सका नामबाट वित्तीय कारोबार सुरु गरेको हो।
