पुस २१ गते सोमबार पनि सुनको मूल्य बढेर नयाँ रेकर्ड कायम गरेको छ। यस दिन सुन तोलामा ५०० रुपैयाँले बढेर प्रतितोला ७६ हजार रुपैयाँमा र तेजाबी सुन प्रतितोला ७५ हजार ७०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।
अघिल्लो दिन आइतबार पनि सुनको मूल्य तोलामा एक हजार रुपैयाँले बढेर छापावाला सुन प्रतितोला ७५ हजार ५०० र तेजाबी सुन प्रतितोला ७५ हजार २०० रुपैयाँमा कारोबार भएको थियो।
सुनको मूल्य एक महिनामै साढे ४ हजार रुपैयाँले बढेको छ। पुस १ गते ७१ हजार ५०० रुपैयाँ प्रतितोलामा कारोबार भएको सुनको मूल्य सोमबार ७६ हजार रुपैयाँमा उक्लिएको छ।
त्यस्तै सोमबार चाँदीको मूल्य पनि बढेको छ। आइतबार चाँदी तोलामा २० रुपैयाँले बढेर प्रति तोला ९२० रुपैयाँमा कारोबार भइरहेको छ।
