यस दिन सुन तोलामा एक हजार रुपैयाँले बढेर हालसम्म कै नयाँ उचाइमा पुगेको छ। नेपाल सुनचाँदी व्यवसायी महासंघले बुधबार छापावाला सुनको मूल्य प्रतितोला ७६ हजार ५०० र तेजाबी सुन प्रतितोला ७६ हजार २०० रुपैयाँ तोकेको छ। जुन नेपाली बजारमा हालसम्मकै उच्च मूल्य हो।
इरान र अमेरिका बिचको विवादले केहि दिनदेखि सुनको भाउ उच्च रुपले बढेर नयाँ रेकर्ड कायम गर्न थालेको हो। उक्त विवादका कारण अन्तरराष्ट्रिय बजारमा सुनको भाउ बढ्दा नेपालमा पनि त्यसको असर देखिएको हो।
बुधबार अन्तराष्ट्रिय बजारमा सुनको भाउ २० डलरले बढेर प्रतिआउन्स १५९५ अमेरिकी डलरमा कारोबार भइरहेको छ।
अघिल्लो दिन अर्थात पुस २२ गते मंगलबार सुन तोलामा ५०० रुपैयाँले घटेर प्रतितोला ७५ हजार ५०० रुपैयाँमा र तेजाबी सुन प्रतितोला ७५ हजार २०० रुपैयाँमा कारोबार भएको थियो।
बुधबार चाँदीको मूल्य पनि बढेको छ। यस दिन चाँदी तोलामा २० रुपैयाँले बढेर प्रति तोला ९२० रुपैयाँमा कारोबार भइरहेको छ।
अघिल्लो दिन मंगलबार चाँदी तोलामा २० रुपैयाँले घटेर प्रतितोला ९०० रुपैयाँमा खरिद बिक्री भएको थियो।