गत आर्थिक वर्षको यसै अवधिसम्ममा १ करोड ३ लाख रुपैयाँमात्र खुद नाफा कमाएको लघुवित्तले चालु आर्थिक वर्षको सोहि अवधिमा ३ करोड ८७ लाख रुपैयाँले बढाएको हो।
लघुवित्तको खुद ब्याज आम्दानी र सञ्चालन नाफा बढ्नुका साथै खराब कर्जा उठाउन सफल भएका कारण खुद नाफा बढेको हो। यस अवधिमा लघुवित्तले १३ करोड ६७ लाख रुपैयाँ खुद ब्याज आम्दानी गरेको छ भने ४ करोड ८१ लाख रुपैयाँ सञ्चालन नाफा गरेको छ ।
गत वर्षको यसै अवधिमा लघुवित्तले ८ करोड ९५ लाख रुपैयाँ खुद ब्याज आम्दानी र १ करोड ५६ लाख रुपैयाँ सञ्चालन नाफा गरेको थियो।
समीक्षा अवधिमा लघुवित्तले १ अर्ब ३१ करोड रुपैयाँ निक्षेप संकलन र २ अर्ब ४७ करोड रुपैयाँ बराबरको सापटीमार्फत ३ अर्ब ४७ करोड रुपैयाँ कर्जा लगानी गरेको छ।
गत वर्षको यसै अवधिमा लघुवित्तले ८६ करोड ४४ लाख रुपैयाँ निक्षप संकलन गरी १ अर्ब ८० करोड सापटीमार्फत २ अर्ब ४५ करोड रुपैयाँ कर्जा लगानी गरेको थियो।
लघुवित्तको चुक्ता पूँजी १६ करोड २० लाख रुपैयाँबाट बढेर २१ करोड ६ लाख रुपैयाँ पुगेको छ भने जगेडा कोष ९ कराड ७० लाख रुपैयाँबाट बढेर १७ करोड ५८ लाख रुपैयाँ पुगेको छ।
एनएमबि बैंकको ८ करोड २६ लाख रुपैयाँ लगानी रहेको लघुवित्तले यस अवधिमा खराब कर्जा २.८९ प्रतिशतबाट २.८२ प्रतिशतमा झारेको छ।
चुक्ता पूँजी बढाउदा समेत नाफामा भएको आकर्षक वृद्धिले लघुवित्तको प्रतिशेयर आम्दानी बढेर ४६ रुपैयाँ ६० पैसा पुगेको छ। गत वर्षको यसै अवधिमा १२ रुपैयाँ ७४ पैसा रहेको प्रतिशेयर आम्दानी समीक्षा अवधिमा ३३ रुपैयाँ ८६ पैसाले बढेको छ।
लघुवित्तको प्रतिशेयर नेटवर्थ १८३ रुपैयाँ ५२१ पैसा र मूल्य आम्दानी अनुपात १७.१७ गुणा रहेको छ।
