यो गत आर्थिक वर्षको सोही अवधिको तुलनामा १ करोड ५३ लाख अर्थात १०१.७१ प्रतिशत बढी हो। खुद ब्याज आम्दानी र सञ्चालन मुनाफामा उल्लेख्य सुधार भएसँगै बैंकको खुद नाफमा पनि सोही अनुसारको सुधार देखिएको हो।
दोस्रो त्रैमासको अन्त्यसम्ममा लघुवित्तले ११ करोड ८ लाख खुद ब्याज आम्दानी गर्न सफल भएको छ। यो गत आर्थिक वर्षको सोही अवधिको तुलनामा ५ करोड १४ लाख रुपैयाँ बढी हो। समीक्षा अवधिमा बैंकको सञ्चालन मुनाफा २ करोड १० लाख बढेर ४ करोड २५ लाख पुगेको छ।
खुद नाफा बढेसँगै बैंकको प्रतिशेयर आम्दानी पनि बढेको छ। ७८ करोड ७१ लाख रुपैयाँ चुक्ता पूँजी रहेको यस बैंकको प्रतिशेयर आम्दानी गत आर्थिक वर्षको पुस मसान्तको तुलनामा १ रुपैयाँ १८ पैसा बढेर ७ रुपैयाँ ७३ पैसा पुगेको छ। सो अवधिसम्ममा बैंकको प्रतिशेयर नेटवर्थ ११९ रुपैयाँ ७३ पैसा कायम भएको छ भने मूल्य आम्दानी अनुपात १७.८६ गुणा कायम भएको छ।
पुस मसान्तसम्ममा बैंकको जगेडा कोषमा ९ करोड ९६ लाख रुपैयाँ सञ्चित छ। सो अवधिसम्ममा बैंकले २ अर्ब ७६ करोड ९९ लाख रुपैयाँ निक्षेप सङ्कलन गरी २ अर्ब ६५ करोड १० लाख रुपैयाँ कर्जा परिचालन गरेको छ। त्यसैगरी, सो अवधिसम्ममा बैंकको वितरण योग्य मुनाफा २ करोड ४ लाख रुपैयाँ रहेको छ।