विवरण अनुसार फाइनान्सले सो अवधिसम्ममा ८७ लाख ८६ हजार घाटा व्यहोरेको छ। खुद ब्याज आम्दानी घटेपनि कर्मचारी खर्च र अन्य सञ्चालन खर्च बढेपछि फाइनान्स घाटामा पुगेको हो। गत आर्थिक वर्षको सोही अवधिसम्ममा फाइनान्सले ३२ लाख ६० हजार खुद नाफा कमाएको थियो।
सो अवधिसम्ममा फाइनान्सले १७ लाख ५३ हजार खुद ब्याज आम्दानी कमाएको छ। यो गत आर्थिक वर्षको सोही अवधिको तुलनामा ८ लाख ४७ हजार रुपैयाँ कम हो। गत आर्थिक वर्षको दोस्रो त्रैमासको अन्त्यसम्ममा ४६ लाख ५७ हजार रहेको फाइनान्सको सञ्चालन मुनाफा चालु आवको सोही अवधिमा ८७ लाख ८६ हजार ऋणात्मक रहेको छ।
सो अवधिसम्ममा ३५ लाख ६४ हजार खुद सञ्चालन आम्दानी गरेको यस फाइनान्सको कर्मचारी खर्च र अन्य सञ्चालन खर्च बढेपछि सञ्चालन मुनाफा ऋणात्मक हुन पुगेको हो। समीक्षा अवधिमा फाइनान्सको कर्मचारी खर्च ३५ लाख ५३ हजार बढेर ५६ लाख ७३ हजार पुगेको छ भने अन्य सञ्चालन खर्च १३ लाख ४८ हजार बढेर ६२ लाख ५ हजार पुगेको छ।
पुस मसान्तसम्ममा फाइनान्सको चुक्ता पूँजी १८ करोड १९ लाख रहेको छ। त्यसैगरी, फाइनान्सको जगेडा कोषमा २२ करोड ९८ लाख रुपैयाँ सञ्चित छ भने शेयरधनी कोष ३२ करोड २८ लाख रुपैयाँ ऋणात्मक रहेको छ। फाइनान्सको शेयर प्रिमियम १३ लाख ५९ हजार रहेको छ।
सो अवधिसम्ममा फाइनान्सको प्रतिशेयर आम्दानी ९.६६ रुपैयाँ ऋणात्मक रहेको छ भने प्रतिशेयर नेटवर्थ ४९.६३ रुपैयाँ रहेको छ। त्यस्तै फाइनान्सको वितरण योग्य मुनाफा ८७ लाख ८६ हजार ऋणात्मक रहेको छ।