अन्य कतिपय वाणिज्य बैंकहरुले बिक्रीमा ल्याएको ऋणपत्र बिक्री नभइरहेको अवस्थामा कुमारी बैंकको भने सबै ऋणपत्र खरिदको लागि आवेदन परेको छ।
बैंकहरुले सर्वसाधरणमा बिक्री नभएको ऋणपत्र व्यक्तिगत तवरबाट समेत बिक्री गर्ने गरेका छन्। तर कुमारी बैंकको भने सर्वसाधारणबाटै सम्पुर्ण ऋणपत्र खरिदको लागि आवेदन परेको खनालले बताए।
बैंकले एक हजार रुपैयाँ अंकित दरका १० वर्ष भुक्तानी अवधि भएको वार्षिक १०.२५ प्रतिशत ब्याजदर अर्धवार्षिक रूपमा भुक्तानी गर्ने गरी ऋणपत्र निष्काशनमा तथा बिक्री खुला गरेको थियो। उक्त ऋणपत्र मंगलबारदेखि बिक्री बन्द भइसकेको छ।
तीन अर्बमध्ये एक अर्ब २० करोड रुपैयाँ बराबरको १२ लाख कित्ता ऋणपत्र सर्वसाधारणहरुमा सार्वजनिक निष्काशनको माध्यमबाट बिक्री खुला गरिएको थियो। बाँकी एक अर्ब ८० करोड रुपैयाँ बराबरको १८ लाख कित्ता ऋणपत्र भने व्यक्तिगत तवरबाट बिक्री गरिएको हो।
नेपाल एसबिआई मर्चेण्ट बैंकिङ्ग निष्काशन तथा बिक्री प्रबन्धक रहेको यस ऋणपत्रलाई इक्रा नेपालले मध्यम कर्जा जोखिम जनाउने ‘इक्राएनपी एलबिबिबि प्लस’ रेटिङ्ग प्रदान गरेको थियो। ऋणपत्र नेप्सेमा सूचीकरण हुनुका साथै विभिन्न बैंक तथा वित्तीय संस्थाहरुबाट धितो राखी कर्जा समेत लिन सकिने छ।