सानिमा बैंकले गत आर्थिक वर्षको कमाइबाट शेयरधनीहरुलाई ८० लाख १ हजार २५५ कित्ता बोनस शेयर वितरण गरेको थियो। उक्त शेयर दोस्रो बजारमा कारोबारको लागि सूचीकृत गराएको हो।
त्यसैगरी गरिमा विकास बैंकले पनि शेयरधनीहरुलाई ४५ लाख ३ हजार २१४ कित्ता बोनस वितरण गर्ने निर्णय गरेको थियो। सो शेयर आइतबार सूचीकृत गराएको छ।
त्यस्तै समता माइक्रोफाइनान्सले वितरण गरेको १२ लाख १३ हजार ४४० कित्ता शेयर दोस्रो बजारमा कारोबारको लागि सूचीकृत गराएको छ भने मेरो माइक्रोफाइनान्सले १९ लाख ७३ हजार ४०० कित्ता बोनस शेयर कारोबारको लागी सूचीकृत गराएको छ।
सूचीकृत भएका उक्त शेयर लगानीकर्ताले आफ्नो खातामा आएपछि दोस्रो बजारबाट खरिद बिक्री गर्न सक्नेछन्।
