गत आर्थिक वर्षको यसै अवधिसम्ममा ३ करोड ६१ लाख रुपैयाँ खुद नाफा कमाएको बैंकले चालु आर्थिक वर्षको सोहि अवधिमा ५० लाख रुपैयाँले नाफा बढाएको हो।
यस अवधिमा बैंकको खुद ब्याज आम्दानी र सञ्चालन नाफामा पनि सामान्य वृद्धि भएको छ। बैंककाे खुद ब्याज आम्दानी ११ करोड १० लाख रुपैयाँबाट बढेर १२ करोड ८८ लाख रुपैयाँ पुगेको छ भने सञ्चालन नाफा ५ करोड १४ लाख रुपैयाँबाट बढेर ५ करोड ८६ लाख रुपैयाँ पुगेको छ।
बैंकले निक्षेप संकलन ५ अर्ब ५३ करोड रुपैयाँबाट बढाएर ६ अर्ब रुपैयाँ पुर्याएको छ भने कर्जा लगानी ४ अर्ब ५२ करोड रुपैयाँबाट बढाएर ४ अर्ब ८७ करोड रुपैयाँ पुर्याएको छ।
यस अवधिमा बैंकको खराब कर्जा अनुपात पनि केहि बढेको छ। गत आवको पुस मसान्तसम्ममा ०.८३ प्रतिशत रहेको खराब कर्जा अनुपात बढेर ०.९३ प्रतिशत पुगेको छ।
हाल ५३ करोड रुपैयाँ चुक्ता पूँजी रहेको बैंकले जगेडा कोषमा ११ करोड ८३ लाख रुपैयाँ राखेको छ। दाेस्रो त्रैमाससम्ममा बैंकको वार्षिक प्रतिशेयर आम्दानी १५ रुपैयाँ ४५ पैसा, प्रतिशेयर नेटवर्थ १४२ रुपैयाँ र मूल्य आम्दानी अनुपात १७.०२ गुणा रहेको छ।