स्टक डिलरको काम गर्न नागरिक लगानी कोषले खोल्यो छुट्टै कम्पनी, चुक्ता पूँजी पाँच अर्ब

Feb 12, 2020 06:26 PM Merolagani

सर्बसाधारणलाइ समेत साधारण शेयर जारी गर्ने गरी स्टक डिलरको काम गर्न नागरिक लगानी कोषले छुट्टै कम्पनी दर्ता गराएको छ ।बुधवार कम्पनी रजिष्टारको कार्यालयमा उसले 'नागरिक स्टक डिलर' नामक कम्पनी दर्ता गराएको हो ।

कम्पनीको चुक्ता पूँजी पाँच अर्ब रहेको नागरिक लगानी कोषले जनाएको छ । उक्त कम्पनीमा पूर्नबिमा कम्पनी र नेपाल टेलिकमले समेत लगानी गरेका छन् ।कम्पनीमा कोषले ५१ प्रतिशत, नेपाल टेलिकमको १० प्रतिशत र पूर्नबिमा कम्पनीको नौ प्रतिशत शेयर रहेको छ ।

कम्पनीमा कोषको दुई अर्व ५० करोड रुपैयाँ लगानी हुनेछ भने टेलिकमले ५० करोड लगानी गरेको छ । ४५ करोड रुपैयाँ पुर्नबीमा कम्पनीले लगानी गर्ने छ । बाँकी रहेको ३१ प्रतिशत रकम बराबरको शेयर कम्पनीले सर्वसाधारण मार्फत उठाउने योजना बनाएको छ । सर्वसाधारणकालागि एक अर्व ५५ करोड रुपैयाँ बराबरको शेयर कम्पनीले जारी गर्ने छ ।

नेपाल धितोपत्र बोर्डले नियमावली संशोधन गराए लगत्तै कोषले कम्पनी दर्ता गराएको हो । अब कोषले औपचारिक रूपमै स्टक डिलरको काम गर्ने छ । उसले कम्पनी खडा गरे लगत्तै नियामक निकायहरूमा स्टक डिलरको काम अघि बढाउन निवेदन दिने जनाएको छ ।


comments powered by Disqus

बाढीले मध्यभोटेकोशी हाइड्रोमा क्षति

Jul 09, 2020 05:58 PM

बुधबार राति सिन्धुपाल्चोकको भोटेकोशी नदीमा आएको बाढीले मध्यभोटेकोशी जलविद्युत् आयोजना क्षेत्र डुबानमा परेको छ। निर्माणाधीन १०२ मेगावाटको सो हाइड्रोपावरमा अर्बौंको क्षति पुगेको छ। एकजना चिनियाँ प्राविधिक बेपत्ता भएको आयोजना प्रमुख सुनिलकुमार लामाले जानकारी दिए।