गत आर्थिक वर्षको पुस मसान्तसम्ममा ४१ करोड ५९ लाख रुपैयाँ रहेको इन्स्योरेन्सको खुद बीमाशुल्क चालु आर्थिक वर्षको सोही अवधिसम्ममा १ करोड ४३ लाख रुपैयाँ घटेर ४० करोड १५ लाख रुपैयाँमा सीमित भएको छ।
समीक्षा अवधिमा इन्स्योरेन्सको खुद नाफा ३ करोड ५ लाख रुपैयाँ बढेर ८ करोड ९३ लाख रुपैयाँ पुगेको छ।
पुस मसान्तसम्ममा इन्स्योरेन्सले पुनर्बीमा कमिशनबापत ११ करोड ९६ लाख रुपैयाँ आम्दानी गरेको छ भने लगानी, कर्जा तथा अन्य स्रोतबाट ४ करोड ५० लाख रुपैयाँ आम्दानी गरेको छ।
१ अर्ब ७ करोड ४५ लाख रुपैयाँ चुक्ता पूँजी रहेको यस बैंकको जगेडा कोषमा २१ करोड २ लाख रुपैयाँ सञ्चित छ। त्यसैगरी, इन्स्योरेन्सको बीमा कोषमा ५४ करोड २ लाख र महाविपत्ती जगेडामा ४ करोड ९८ लाख रुपैयाँ रहेको छ।
सो अवधिसम्ममा इन्स्योरेन्सको जारी बीमालेख सङ्ख्या ८१ हजार ८८४ रहेको छ भने कुल बीमाशुल्क आर्जन ९८ करोड २४ लाख रुपैयाँ रहेको छ। कम्पनीले सो अवधिसम्ममा ३ हजार ६४० दाबीबापत ५३ करोड २० लाख रुपैयाँ भुक्तानी गरेको छ। त्यसैगरी इन्स्योरेन्सको ४ हजार १५० दाबीबापत १ अर्ब ६२ करोड ६९ लाख रुपैयाँ भुक्तानी गर्न बाँकी छ।
इन्स्योरेन्सको वार्षिक प्रतिशेयर आम्दानी १६ रुपैयाँ ६४ पैसा, मूल्य आम्दानी अनुपात २१.८८ गुणा र प्रतिशेयर नेटवर्थ १७४ रुपैयाँ ४८ पैसा रहेको छ।