सो प्रतिरोध विन्दु तोड्न नसकेका कारण यस साताको लागि पनि नेप्सेको पहिलो प्रतिरोध विन्दु एक हजार ३५० नै कायम हुन आएको छ। आगामी दिनमा नेप्से ओरालो लागेमा भने एक हजार २७३ विन्दुमा टेवा पाउने देखिन्छ।
बजारमा अहिले खरिदकर्ताको बलियो उपस्थिति रहेका कारण आगामी दिनमा नेप्से सकारात्मक दिशातर्फ अगाडि बढ्ने सङ्केत देखिएको जानकारहरु बताउँछन्।
गत साताको अन्तिम दुई कारोबार बनेको मैनबत्तीले भने लगानीकर्ताहरु अन्योलमा रहेको संकेत गर्दछ।
गत साता नेप्से १०.९० अंक बढेर एक हजार ३४४.५९ विन्दुमा बन्द भएको थियो। नेप्से बढेपनि अघिल्लो साताको तुलनामा गत साताको कारोबार रकम घटेको थियो। गत साता १८२ कम्पनीको ७० हजार ९१८ पटकको कारोबारमा ६ अर्ब ७० करोड ९५ लाख रुपैयाँ बराबरको शेयर खरिदबिक्री भएको थियो। गत साताको दैनिक औषत कारोबार रकम अघिल्लो साताको तुलनामा घटेको छ। अघिल्लो साता दैनिक औषतमा १ अर्ब ४८ करोड रुपैयाँ बराबरको शेयर खरिदबिक्री भएको गत साता दैनिक औषतमा १ अर्ब ३१ करोड रुपैयाँ बराबरको शेयर किनबेच भएको छ। पछिल्लो २० दिनको औषत कारोबार रकम भने १ अर्ब ४७ करोड रुपैयाँ रहेको छ।
फियर एण्ड ग्रीड मिटरमा नेप्से अहिले एक्सट्रीम ग्रीड जोनमा रहेको छ।
(नोटः विस्तृत प्राविधिक विश्लेषण मेरोलगानी न्युजलेटरमा)