माघ २४ गते विश्व क्यान्सर दिवसको अवसरमा “आई एम एण्ड आई वील क्रिएट अ वल्र्ड विड् आउट क्यान्सर” भन्ने नाराका साथ आयोजित उक्त कार्यक्रम मार्फत भिजिट नेपाल २०२० को प्रर्वद्धन पनि गरिएको थियो।
उक्त र्याली नेपाल टुरिजम बोर्डबाट सुरु भई पोखरासम्म विभिन्न चेक प्वाइन्टहरुमा आयोजित खेलहरुमा सहभागी हुँदै समापन भएको थियो।
प्रदेश नं ४ का उद्योग, पर्यटन तथा वातावरण मन्त्री विकास लम्साल लगायत पुर्व तथा हालका मिस नेपालहरु अनुष्का श्रेष्ठ, रोज लामा, मीरा कक्षपति, रोनाली अमात्य र रिया बस्नेत लगायतले उक्त कार्यक्रममा र्याली विजेताहरुलाई पुरस्कार प्रदान पनि गरेका थिए।
यसका साथै ज्योति लाईफले काठमाडौँ ग्रुप अफ होटल्सको सहकार्यमा कार्यक्रमको दोश्रो दिन सारङकोट स्थित जनजागृति माध्यामिक विधालयमा स्वास्थ शिविर तथा स्थानिय विधार्थीहरुलाई शैक्षिक तथा खेलकुद सामाग्री हस्तान्तरण पनि गरेको थियो।
सो सामाग्री पोखरा उपमहानगरपलिकाका उपप्रमुख मञ्जु देवी गुरुङ्ग तथा स्थानिय प्रतिनिधिले हस्तान्तरण गरेका थिए भने उक्त स्वास्थ्य शिविरमा ३८५ जनाको उपचार गरिएको थियो।
