कार्यक्रममा संस्थाका प्रमुख कार्यकारी अधिकृत पर्वत कुमार कार्कीले संस्थागत सुशासनलाई थप मजबुत बनाउन आन्तरीक लेखा परीक्षण विभागको ठूलो महत्व रहेको हुँदा यसलाई थप सशक्त बनाउन आधुनिक र प्रभावकारी ढंगले ज्ञान प्रदान गर्ने उद्देश्यले तालिमको आयोजना गरिएको बताए ।
नेपाल राष्ट्र बैंकका पूर्व निर्देशक नरेन्द्रसिंह विष्ट लगायतका प्रशिक्षकले तालिममा आन्तरिक लेखा परीक्षणको प्रचलित आधुनिक व्यवस्था, जोखिम व्यवस्थापन र सोको आधारमा गरिने आन्तरिक लेखापरीक्षणको स्वरुप, कार्यविधि, लेखापरीक्षण प्रतिवेदन लेखन विधि लगायतका विषयमा सैद्धान्तिक तथा व्यावहारिक तवरबाट प्रकाश पारेका थिए।
फागुन २ र ३ गते बुटवलमा सञ्चालन भएको उक्त तालिममा संस्थाको आन्तरिक लेखापरीक्षण विभाग, क्षेत्रीय कार्यालय, इलाका र शाखा कार्यालयमा कार्यरत उपनिर्देशक, बरिष्ठ अधिकृत तथा सहायक अधिकृतहरू गरी कुल ३० जना कर्मचारीको सहभागिता रहेको थियो ।