उनले कोषको खाता संचालन महालेखा नियन्त्रकको कार्यलयले गर्ने जानकारी गराउदै कोषमा जम्मा हुने रकम पारर्दशी ढंगबाट खर्च हुने बताए । 'कुनै पनि मन्त्रालयले कोषको रकम खर्च गर्नको लागि अर्थ मन्त्रालयमा लिखित पत्र पठाउनु पर्ने हुन्छ र अर्थ मन्त्रालयले निकासाको आदेश दिएपछि मात्रै महालेखा नियन्त्रकको कार्यलयबाट भुक्तानी हुन्छ,' उनले भने ।
कोषमा जम्मा भएको रकम मन्त्रीपरिषदको कार्यलयबाट पारर्दशी रुपले सार्वजनिक गरिने पनि उनले जानकारी गराए ।
कोषमा जम्मा भएको रकम कोष संचालन कार्यविधिको आधारमा खर्च हुने प्रष्ट पारे । कोरोना भाइरससंग सम्बन्धित औषधी तथा उपकरणहरुको खरिद, क्वारेन्टाइनको स्थापना, अस्पतालहरुको उपकरण स्तरोन्नती र संक्रमित व्यक्तिको उपचारमा समेत खर्च हुने उनले जानकारी गराए ।
सरकारले राष्ट्रिय वाणिज्य बैंकमा ५० करोड रुपैयाँको कोरोना रोकथाम, निण्न्त्रण तथा उपचार कोष स्थापना गरेको छ । उक्त कोषमा नेपाल सरकारका मन्त्रीहरुले पनि चैत महिनाको तलब कोषमा जम्मा गर्ने जनाएको छ ।
यस्तै आजै नेपाल आयल निगमले पनि कोषमा ५० करोड रुपैयाँ जम्मा गर्ने जनाएको छ ।