जापानमा ३ हजार पाँच सय जना कोरोना भाइरसका संक्रमित भेटिसकेका छन् भने ८५ जनाको मृत्यु भइसकेको छ । अन्य केहि स्थानको तुलनामा जापानमा हालसम्म ठुलो प्रकोप नदेखिए पनि टोकियोमा एक हजार भन्दा बढि संक्रमित भएको र संख्या थप बढ्दै गएपछि सरकारले यस्तो तयारी गरेको बताइएको छ ।
योमिउरी समाचारपत्रका अनुसार जापानका प्रधानमन्त्री शिन्जो अबेले सोमबार पछि आपतकालिन अवस्थाको लागि आफ्नो योजनाको घोषणा गर्ने सम्भावना थियो तर क्योडो समाचार एजेन्सीले बुधवार नयाँ उपाय लागू हुने बताएको छ ।
जापानमा आपतकालिन अवस्थामा गभर्नरहरुलाई घरमा रहन र व्यवसाय बन्द गर्न जनतालाई आह्वान गर्ने अधिकार दिन्छ, तर अन्य देशहरूमा देखिने लकडाउनकोे आदेश दिने अधिकार दिँदैन । प्रायःकेसहरूमा,यस्ता अनुरोधलाई वेवास्ता गर्नेको लागी कुनै दण्ड छैन, र कार्यान्वयन साथीहरूको दबाब र कार्यकारी प्रतिको सम्मानमा अधिक निर्भर गर्दछ।
सरकारलाई उक्त कदम चाल्न दबाब दिइरहेको थियो यद्यपि उक्त कदम र व्यापारको प्रतिबन्धमा हतार हुन सक्ने आबेले चिन्ता व्यक्त गरेका थिए । जापानमा आपतकालिन अवस्थाकालागि सार्वजनिक समर्थन चाहिन्छ ।
जापानी सरकार अरबौं डलरको प्रोत्साहन प्याकेज यसै हप्ता ल्याउने याेजनामा छ । जापान सरकारका प्रवक्ता योशिहिदी सुगाले भने,'निर्णय हुन अझै बाँकी छ।'आपतकालिन अवस्थाकालागि सार्वजनिक समर्थन चाहिन्छ ।
जेएनएनले सोमबार प्रकाशित गरेको एक सर्वेक्षणमा ८० प्रतिशतले आबेले यो घोषणा गर्नुपर्ने बताएका थिए भने १२ प्रतिशतले यो आवश्यक नभएको धारणा राखेका थिए । उनको स्वीकृति रेटिंग गत महिनाको तुलनामा ५.७ बिन्दुले घटेर ४३.२ प्रतिशत पुगेको सर्वेक्षणले देखाएको छ ।
लन्डनस्थित किंग्स कलेजका इन्स्टिच्युट फर पब्लिक हेल्थका निर्देशक केन्जी शिबुयाले भने, 'आपतकालिन अवस्थामा भएको ढिलाईका कारण टोकियोमा कारोनाको विस्फोटक बृद्धि भएको हो ।' उनका अनुसार आपतकालिन अवस्था पछिल्लो अप्रिल एक सम्म घोषित भइसक्नुपर्ने थियो ।
टोकियोका गभर्नर युरीको कोइकेले गत साता आपतकालिन अवस्थाको पक्षमा हुने संंकेत गरेकी थिइन् । त्यहाँका बासिन्दालाई कडा सामाजिक दूरीको अनुसरण गर्न सहयोग पु¥याउनका निम्ति उनी आपतकालिन अवस्थाको पक्षमा थिइन् ।
जापान सरकारको कोरोना भाइरस प्यानलका एक विज्ञले भने कि जापानले व्यक्तिदेखि व्यक्तिको सम्पर्कलाई ८० प्रतिशतसम्म घटाएर विस्फोटक वृद्धिलाई रोक्न सक्छ ।
मार्चमा संशोधित कानून अन्तर्गत कोरोना भाइरसलाई फैलिन नदिनकालागि प्रधानमन्त्रीले आपतकालिन अवस्थाको घोषणा गर्न सक्दछन् । यदि कोरोना तीव्र रुपमा फैलिएर जीवनमा गम्भीर खतरा देखा परेमा र अर्थव्यवस्थामा ठूलो असर पारेमा प्रधानमन्त्रीले उक्त घोषणा गर्न सक्नेछन् ।
सरकारले टोकियो क्षेत्र र सम्भवतः पश्चिमी जापान ओसाका र ह्योगो प्रान्तहरूमा आपतकालीन अवस्था लगाउने सम्भावना रहेको जापानी सञ्चार माध्यमले जनाएको छ ।
टीबीएसका अनुसार सरकारले छ महिनाको अवधिकालागि आपतकालिन अवस्थाको विचार गरिरहेको छ र नियुक्त गरिएका प्रान्तहरूले आफ्नो व्यक्तिगत उपायहरूको लागि समयको निर्णय गर्न सक्नेछन् ।
जापानमा अचानक बढेको संक्रमणले जापानको चिकित्सा प्रणालीलाई नै भत्काईदिन सक्ने चिन्ता विज्ञहरुले गरेका छन् । टोकियो र अन्यत्रका गभर्नरहरूले नागरिकलाई सप्ताहन्तमा घरमै बस्न, भीड र बेलुकाको घुमफिरबाट बच्न तथा घरबाट काम गर्न आग्रह गरेका छन् । त्यसले केही प्रभाव पारेको त छ, तर धेरै विज्ञहरूले चाहे अनुरुप भने भएकाे छैन ।
