उनले हाल सम्म राष्ट्रिय जनस्वास्थ्य प्रयोगशालामा २ हजार २८२ र उपत्यका बाहिर ५१३ गरी २ हजार ८९५ परिक्षण गरेको बताए । १९३ नमुना परिक्षण भइरहेको जानकारी गराउदै उनले बिहीबार सम्ममा ३ हजार नमुना परिक्षण सकिने बताएका हुन् ।
प्रवक्ता देबकोटाका अनुसार आईसोलेसनमा उपत्यकामा १८ र उपत्यका बाहिर ९९ गरी ११७ जना रहेका छन् भने क्वारेन्टाइनमा ७ हजार ९४० जना रहेका छन् ।
यस्तै कैलाली र कञ्चनपुरमा गरिएका आरडीटीको ६४ वटाको परिक्षण सकिएको बताउदै सबैको रिपोर्ट नेगेटिभ आएको उनले जानकारी गराए । डढेलधुरा र बैतढीमा पनि नमुना संकलनको लागि टोली खटाइएको पनि उनले जानकारी गराए । यस अघि हिजो मात्रै अछाम र जुम्लामा पनि नमुना संकलको लागि सरकारले टोलि पठाएको थियो ।
नेपालमा कोरोना भाइरसको संक्रमित संख्या ९ पुगेको छ । त्यस मध्ये एक जना निको भएर फर्किसकेका छन् । बाँकी आठ जना मध्ये धनगढीमा ४, बागलुङमा २ र टेकु अस्पतालमा २ जना उपचार भएरहेको प्रवक्ता देवकोटाले जानकारी गराए । डब्ल्युएचओको मापदण्ड अनुसार संक्रमितको सम्पर्कमा रहेको सबैको कन्ट्याक्ट ट्रेसिङको काम सम्पन्न भइसकेको र उनीहरुको रिपोर्ट नेगेटिभ आएको उनले जनाकारी गराए ।
