फेसबुकद्वारा प्रमाणित उक्त पेज अहिले फेसबुकमा खोज्दा नभेटिने भएको छ । कोरोना रोकथाम तथा नियन्त्रण समन्वय उच्चस्तरीय समिति बैठकले शुक्रबार र शनिबार जिल्ला बाहिर जान आवागन खुला गर्ने निर्णय गरेको थियो ।
उक्त निर्णय प्रधानमन्त्री कार्यालयको हाल हटाइएको फेसबुक पेजबाट सार्वजनिक भएको थियो । गृहमन्त्रालयले आवागमन खोल्ने निर्णय नभएको र आएका सबै समाचार भ्रमपुर्ण प्रचार भएको विज्ञप्ति निकाले पछि पेजको सूचना सच्याइएको थियो । स्थानीय तह र प्रदेश सरकारले नमान्ने भए पछि निर्णय सच्याइएको पेजको अपडेट सूचनामा भनिएको थियो ।
उपप्रधान तथा रक्षामन्त्री इश्वर पोख्रेलले सञ्चार माध्यमले कपोकल्पित भ्रम छरेको भन्दै फेसबुकमा स्ट्याटस लेखेपछि सञ्चार माध्यमले सोही पेजको सूचना स्क्रीनसट सार्वजनिक गरेका थिए । सरकारको गलत निर्णयले जनताले दुःख पाएको भन्दै चौतर्फी आलोचना भएपछि उक्त पेज डिलिट भएको हो ।