बैंकको यो नाफा गत आवको सोही अवधिको तुलनामा १ करोड ८१ लाख रुपैयाँ बढी हो। खुद ब्याज आम्दानी र सञ्चालन मुनाफा बढेसँगै खुद नाफा बढ्न पुगेको हो।
समीक्षा अवधिमा बैंकको खुद ब्याज आम्दानी २ करोड ५२ लाख रुपैयाँ बढेर १८ करोड ५४ लाख रुपैयाँ पुगेको छ भने सञ्चालन मुनाफा २ करोड ५० लाख रुपैयाँ बढेर १३ करोड १८ लाख रुपैयाँ पुगेको छ।
खुद नाफा बढेसँगै बैंकको प्रतिशेयर आम्दानीमा पनि सुधार भएको छ। गत आवको चैत मसान्तमा १९ रुपैयाँ ४० पैसा रहेको बैंकको यस्तो आम्दानी चालु आवको सोही अवधिा बढेर २४ रुपैयाँ १४ पैसा पुगेको छ। बैंकको प्रतिशेयर नेटवर्थ १६७ रुपैयाँ ५३ पैसा रहेको छ। चैत मसान्तमा बैंकको वितरण योग्य मुनाफा ४ करोड ३९ लाख रुपैयाँ रहेको छ।
सिटिजन्स बैंकसँग १०० बराबर ९१.७५ शेयर स्वाप अनुपातमा विलिन हुन लागेको यस बैंकको चुक्ता पूँजी ५० करोड ९६ लाख रुपैयाँ रहेको छ। बैंकको जगेडा कोषमा १२ करोड २५ लाख रुपैयाँ रहेको छ भने शेयरधनी कोषमा २१ करोड ७२ लाख रुपैयाँ र शेयर प्रिमियममा ४३ लाख २९ हजार रुपैयाँ छ। गत आवको अन्त्यसम्ममा बैंकको यस्ता कोषहरुमा क्रमशः १२ करोड २५ लाख रुपैयाँ, ७ करोड ५१ लाख रुपैयाँ र ४३ लाख २९ हजार रुपैयाँ रहेको थियो।
गत आवको असार मसान्तसम्ममा ४ अर्ब ३३ करोड निक्षेप संकलन गरी ३ अर्ब ९४ करोड रुपैयाँ कर्जा प्रवाह गरेको यस बैंकले चालु आवको चैत मसान्तसम्ममा ४ अर्ब ७० करोड रुपैयाँ निक्षेप संकलन गरी ४ अर्ब १६ करोड रुपैयाँ कर्जा प्रवाह गरेको छ। बैंकको आधारदर १०.०१ प्रतिशतबाट बढेर १०.३० प्रतिशत पुगेको छ भने स्प्रेड ५.४४ प्रतिशतबाट ६.०८ प्रतिशत पुगेको छ।
