सो अवधिसम्ममा यस लघुवित्तको चुक्ता पूँजी ७ करोड रहेको छ। लघुवित्तको जगेडा कोषमा ६ करोड ७ लाख रुपैयाँ सञ्चित छ। असार मसान्तसम्ममा लघुवित्तले १७ करोड ५७ लाख रुपैयाँ सापटी र ४६ करोड ६ लाख रुपैयाँ निक्षेप संकलन गरी ७९ करोड १६ लाख रुपैयाँ कर्जा प्रवाह गरेको छ।
यसबापत लघुवित्तले ७ करोड ९६ लाख रूपैयाँ खुद ब्याज आम्दानी गरेको छ। त्यसैगरी, सो अवधिसम्ममा लघुवित्तको सञ्चालन मुनाफा ८५ लाख ५७ हजार रुपैयाँ रहेको छ। असार मसान्तसम्ममा ५४ लाख ४२ हजार खराब कर्जा उठाउन सफल भएको छ।
चौथो त्रैमासको अन्त्यसम्ममा लघुवित्तको निष्क्रिय कर्जा २.२२ प्रतिशत रहेको छ भने कष्ट अफ फण्ड ८.४९ प्रतिशत रहेको छ।
लघुवित्तले गत पुस २ गते आँधिखोला लघुवित्तसँग गाभ्नेरगाभिने सम्झौता गरेको थियो। स्याङजामा केन्द्रीय कार्यालय रहेको आँधिखोला लघुवित्त र बाग्लुङमा केन्द्रीय कार्यालय रहेको धौलागिरी लघुवित्त आपसमा गाभिएपश्चात बन्ने नयाँ संस्थाको नाम धौलागिरी आँधिखोला लघुवित्त रहने छ भने चुक्ता पुँजी १७ करोड रुपैयाँ पुग्नेछ।