यसैगरी मंगलबार सुनको मूल्य ६ प्रतिशतले घटेर सात वर्षयताकै उच्च दैनिक गिरावट देखिएको थियो भने चाँदीको मूल्य पनि १५ प्रतिशतले घटेर एक दशकयताको भन्दा बढीको उच्च गिरावट देखिएको हो।
मंगलबार रुसका राष्ट्रपति भ्लादिमिर पुटिनले रुसले कोरोना भाइरस विरुद्धको विश्वको पहिलो सफल भ्याक्सिन बनाएको दाबी गरेपछि विश्व बजारका लगानीकर्ताहरुमा अरु क्षेत्रमा लगानीको आशा बढेसँगै सुनको मूल्यमा गिरावट देखिएको अनुमान लगाइएको छ।
अन्तर्राष्ट्रिय बजारमा उच्च दरमा मूल्य घटेसँगै नेपालमा पनि सुनको मूल्य साेही दरमा घट्ने अनुमान गरिएकाे छ। नेपाली बजारमा सुनचाँदीको मूल्य अन्तर्राष्ट्रिय बजार अनुसार नै निर्धारण हुने हुदाँ अन्तर्राष्ट्रिय बजारको प्रत्यक्ष प्रभाव नेपालको सुनचाँदी बजारमा पर्ने गर्दछ।
कोरोना महामारीले विश्वव्यापी रुपमा आर्थिक मन्दी सिर्जना गरिरहेको अवस्थामा विश्व बजारका लगानीकर्ताहरु सुरक्षित लगानीको क्षेत्रका रुपमा सुनतर्फ आकर्षित हुदाँ पछिल्लो केही दिनदेखि सुनको मूल्य उच्च रुपले बढेर दिनदिनै ऐतिहासिक रेकर्ड कायम गरिरहेको थियो।