अन्य स्रोत मार्फतको आम्दानी घट्नुका साथै सञ्चालन खर्च बढ्दा कम्पनीको नोक्सानी बढ्न पुगेको हो।
यस अवधिमा कम्पनीले अन्य स्रोतमार्फत २ लाख ५८ हजार रुपैयाँ आम्दानी गरेको छ।
चुक्ता पूँजी १० अर्ब ५९ करोड रुपैयाँ रहेको कम्पनीको ३४ अर्ब ५० करोड रुपैयाँ दीर्घकालीन ऋण रहेको छ।
कम्पनीको प्रतिशेयर आम्दानी ६६ पैसा ऋणात्मक छ। कम्पनीको प्रतिशेयर नेटवर्थ ९३ रुपैयाँ ३२ पैसा रहेको छ।
दोलखामा ४५६ मेगावाट क्षमताको माथिल्लो तामाकोशी जलविद्युत आयोजना निर्माण गरिरहेको कम्पनीको विद्युत बिक्रीबाट हुने आम्दानी शून्य रहेको छ।
आयोजना निर्माणको अन्तिम चरणमा रहेको र २०७७ कार्तिकदेखी बिजुली उत्पादन शुरु गरी २०७७ माघसम्म सम्पूर्ण निमार्ण कार्य सम्पन्न गर्ने लक्ष्य राखेको छ। तर, हाल विश्वव्यापी रुपमा भइरहेको कोरोना महामाहारीका कारण विदेशी परामर्श नेपाल आउन समस्या भएको, सामान ढुवानीमा भएको समस्या तथा कार्य सम्पादनमा भइरहेको सुस्तता लगायतका समस्याका कारणले निर्धारित समयमा आयोजनाको बाँकी काम सम्पन्न गर्नमा चुनौती देखिएको कम्पनीले जनाएको छ।
