चौथो त्रैमाससम्ममा बैंकले ४० करोड ८८ लाख रुपैयाँ खुद नाफा कमाएको छ। यो अघिल्लो वर्षको तुलनामा १३ करोड रुपैयाँले कम हो। अघिल्लो वर्ष बैंकले ५३ करोड १३ लाख रुपैयाँ खुद नाफा कमाएको थियाे।
कोरोनाको कारण थलिएका व्यवसायीलाई केन्द्रिय बैंकले भने अनुसारको छुट तथा सहुलियत दिँदा बैंकको नाफा खुम्चिएको हो।
असार मसान्तसम्ममा बैंकले १ अर्ब ३९ करोड रुपैयाँ खुद ब्याज आम्दान गरेको छ। जुन अघिल्लो वर्षको तुलनामा झण्डै १० करोड रुपैयाँ धेरै हो। अघिल्ला वर्षको यसै अवधिमा बैंकले १ अर्ब २९ करोड रुपैयाँ खुद ब्याज आम्दानी गरेको थियाे। त्यस्तै, बैंकको सञ्चालन नाफा ७४ करोड ७० लाख रुपैयाँबाट घटेर ५८ करोड ५८ लाख रुपैयाँमा झरेको छ।
बैंकको निक्षेप संकलन २५ अर्ब ९९ करोड रुपैयाँबाट बढेर ३६ अर्ब ४० करोड रुपैयाँ पुगेको छ भने कर्जा लगानी २४ अर्ब ७७ करोड रुपैयाँबाट बढेर २९ अर्ब ५७ करोड रुपैयाँ पुगेको छ। बैंकको खराब कर्जा ०.५४ बाट सामान्य बढेर ०.६८ प्रतिशत पुगेको छ।
हाल ३ अर्ब ४९ करोड रुपैयाँ चुक्ता पूँजी रहेको बैंकको जगेडा कोषमा ७७ करोड रुपैयाँ छ।
बैंकको प्रतिशेयर आम्दानी १७ रुपैयाँ १४ पैसाबाट घटेर ११ रुपैयाँ ७० पैसामा झरेको छ भने प्रतिशेयर नेटवर्थ १२६ रुपैयाँ ३३ पैसा र मूल्य आम्दानी अनुपात १४ रुपैयाँ १९ पैसा रहेको छ।
