गत आर्थिक वर्षको चौथो त्रैमाससम्ममा लघुवित्तले ४ करोड ७४ लाख रुपैयाँ खुद नाफा कमाएको छ। यो अघिल्लो वर्षको तुलनामा २६.४१ प्रतिशतले धेरै हो। अघिल्लो आर्थिक वर्षको यसै अवधिमा लघुवित्तले ३ करोड ७५ लाख रुपैयाँ खुद नाफा कमाएको थियो।
चौथो त्रैमाससम्ममा लघुवित्तले १५ करोड ५१ लाख रुपैयाँ खुद ब्याज आम्दानी गरेको छ। अघिल्लो आर्थिक वर्ष लघुवित्तले ९ करोड २३ लाख रुपैयाँ खुद ब्याज आम्दानी गरेको थियो। त्यस्तै, लघुवित्तको सञ्चालन आम्दानी पनि ५ करोड ९५ लाख रुपैयाँबाट बढेर ७ करोड २६ लाख रुपैयाँमा पुगेको छ।
लघुवित्तको खराब कर्जा भने बढेको छ। अघिल्लो आर्थिक वर्षको चौथो त्रैमासमा ०.७७ प्रतिशत रहेको खराब कर्जा बढेर १.१६ प्रतिशत पुगेको छ।
हाल २२ करोड ८१ लाख रुपैयाँ चुक्ता पूँजी रहेको लघुवित्तको जगेडा कोषमा ७ करोड ८५ रुपैयाँ रहेको छ।
लघुवित्तको निक्षेप संकलन ५१ करोड २८ लाख रुपैयाँबाट बढेर ६१ करोड २० लाख रुपैयाँ पुगेको छ भने कर्जा लगानी १ अर्ब ४६ करोड रुपैयाँबाट बढेर १ अर्ब ९५ करोड रुपैयाँ पुगेको छ।
लघुवित्तको प्रतिशेयर आम्दानी २० रुपैयाँ ७९ पैसा रहेको छ भने प्रतिशेयर नेटवर्थ १३४ रुपैयाँ ३५ पैसा र मूल्य आम्दानी अनुपात ३४.६२ गुणा छ।
