अघिल्लो आवको सोही अवधिसम्ममा लघुवित्तले २० करोड ५३ लाख ४८ हजार नाफा कमाएको थियो। असार मसान्तसम्ममा सञ्चालन मुनाफा ऋणात्मक रहेको यस लघुवित्तले खराब कर्जा उठाउन सफल हुँदा सो बराबरको नाफा देखिएको हो।
सो अवधिसम्ममा लघुवित्तले १ करोड २० लाख रुपैयाँ सञ्चालन नोक्सानी व्यहोरेको छ। तर, १३ करोड ९७ लाख रुपैयाँ खराब कर्जा उठाएका कारण लघुवित्त नाफामा देखिएको हो। लघुवित्तले निष्क्रिय कर्जा समीक्षा अवधिमा ४.१४ प्रतिशतबाट बढेर ५.०८ प्रतिशत पुगेको छ।
निष्क्रिय कर्जा बढेपछि लघुवित्तले सम्भावित जोखिम बापतको व्यवस्थामा ९ करोड १७ लाख छुट्याउँदा लघुवित्तको सञ्चालन मुनाफा ऋणात्मक भएको हो।
सरकारले गरेको लकडाउनका कारण कर्जा असुली प्रभावित भई खराब कर्जा अनुपात बढ्दा जोखिम व्यवस्थापन बढेको कारण पनि लघुवित्त कम्पनीको नाफा घट्न दबाब पुगेको हो।
लघुवित्तको नाफा घट्दा तथा चुक्ता पूँजी वृद्धि हुँदा ईपीएस घटेको हो। समीक्षा अवधिमा कम्पनीको चुक्ता पूँजी ९२ करोड ४२ लाख १६ हजारबाट बढेर ९८ करोड २५ लाख रुपैयाँ पुगेको छ भने वार्षिक प्रतिशेयर आम्दानी २२्२२ रुपैयाँबाट घटेर ८.४३ रुपैयाँमा झरेको छ।
