गत असार मसान्तसम्ममा कम्पनीले ८ करोड ४० लाख रुपैयाँ खुद नाफा कमाउन सफल भएको छ। अघिल्लो आर्थिक वर्ष कम्पनीको यस्तो नाफा १२ करोड ६ लाख ४७ हजार रुपैयाँ ऋणात्मक रहेको थियो।
विद्युत बिक्री आम्दानी बढेसँगै कम्पनी नाफामा गएको हो। १३२ केभिको काबेली विद्युत प्रसारण लाइन सम्पन्न भई आयोजनाबाट उत्पादीत सम्पूर्ण विद्युत केन्द्रिय प्रसारण लाईनमा प्रवाह गर्न सकिएकोले विद्युत बिक्री बापतको आम्दानी बढेको कम्पनीले जनाएको छ।
सो अवधिसम्ममा कम्पनीले विद्युत बिक्रीबाट ३९ करोड ९२ लाख रुपैयाँ आम्दानी गरेको थियो। अघिल्लो आर्थिक वर्ष कम्पनीको यस्तो आम्दानी २४ करोड ९९ लाख रुपैयाँ रहेको थियो।
असार मसान्तसम्ममा ९६ लाख २५ हजार रुपैयाँ चुक्ता पूँजी रहेको यस कम्पनीको जगेडा कोषमा १३ करोड ९७ लाख रुपैयाँ रहेको छ। कम्पनीको प्रतिशेयर आम्दानी ८ रुपैयाँ ७३ पैसा रहेको छ भने प्रतिशेयर नेटवर्थ ८५ रुपैयाँ ४९ पैसा रहेको छ।