सरकारबाट अनुदानको व्यवस्था भएको तथा बीमा समितिबाट कोरोना बीमा मापदण्ड २०७७ लागु भएपश्चात बीमक संघका सम्पुर्ण २० वटै सदस्य बीमा कम्पनीहरुबाट राष्ट्रसेवक कर्मचारीहरुको बीमा भएको संघले जनाएको छ ।
त्यस अनुसार इच्छुक राष्ट्रसेवक कर्मचारी तथा सम्बन्धित संस्थाहरुले आफ्ना कर्मचारीहरुको कोरोना बीमा गर्न कुनै पनि निर्जीवन बीमा कम्पनीको कुनैपनि शाखामा सम्पर्कगरी सरकारबाट प्राप्त हुने अनुदान सुविधा लिन सकिने जनाएको छ ।
यस्तै संघले निर्जीवन बीमा कम्पनीहरुलाई सरकारबाट प्राप्त हुने अनुदानमा हुने कोरोना बीमाको लागि सहजिकरण गर्न आग्रह समेत गरेको छ ।
सरकारले चालु आर्थिक वर्षको बजेट वक्तव्य मार्फत सबै राष्ट्र सेवक कर्मचारीहरुको एक लाख रुपैयाँ बराबरको कोरोना बीमा निःशुल्क गरिदिने व्यवस्था गरेको थियो ।
