कम्पनीको पहिलो कारोबारको लागि नेप्सेले न्युनतम १०० रुपैयाँदेखि ३०० रुपैयाँ ओपनिंग रेन्ज तोकिएको छ। त्यस अनुसार आइतबार कम्पनीको शेयर करोबार हुनेछ। कम्पनीको शेयरलाई नेप्सेले कारोबारको लागि (एलइसि) संकेत दिएको छ।
कम्पनीले भदौ ३ देखि ७ गतेसम्म साधारण शेयर निष्काशन गरेको थियो। आवेदन दिने सबै लगानीकर्ताले शेयर पाएका थिए।
१० कित्ता देखि ३० कित्ताका लागि आवेदन दिने सबैले मागे अनुसारको शेयर पाएका थिए भने ३० कित्ताभन्दा माथि आवेदन दिने २५ हजार ६ सय २० जनाले ४० कित्ता पाएका थिए। सबैलाई ३० कित्तासम्म बाँडफाँट गरेर बाँकी रहेको शेयर गोलाप्रथाबाट थप १० कित्ता वितरण गरिएको थियो।
कम्पनीले सर्वसाधारणका लागि ३५ करोड ६४ लाख ९३ हजार रुपैयाँ मूल्यको ३५ लाख ६४ हजार ९ सय ३० कित्ता शेयर निष्काशन गरेको थियो। जसमा १ लाख ८५ हजार ९ सय ७५ जना आवेदकबाट ७१ करोड ६८ लाख ११ हजार रुपैयाँको आवेदन परेको थियो।
