इन्स्योरेन्सको असोज ५ गते बसेको सञ्चालक समितिको बैठकले शेयरधनीहरुलाई लाभांश वितरण नगरी उक्त रकम जगेडा कोषमा राख्ने निर्णय गरेको हो।
सञ्चालक समितिको बैठकले कम्पनीको आर्थिक वर्ष २०७५/७६ को बीमा समितिबाट निर्जीवन बीमा गर्ने बीमकको वित्तीय विवरण सम्बन्धि निर्देशन बमोजिम वित्तीय विवरणहरु तथा एनएफआरएस बमोजिम वित्तीय विवरण पारित गरी बीमा समितिको स्वीकृतिको लागि पेश गर्ने निर्णय गरेको हाे।
त्यस्तै, कम्पनीको २०७६/७७ को वित्तीय विवरणहरुको सैद्धान्तिक स्विकृतिको लागि बीमा समिति समक्ष पश गर्ने निर्णय गरेको छ।
इन्स्योरेन्सले आर्थिक वर्ष २०७५/ ७६ मा ४७ करोड २९ लाख रुपैयाँ खुद नाफा कमाएको थियो। गत आर्थिक वर्षको चौथो त्रैमाससम्ममा उसले ४५ करोड १ लाख रुपैयाँ खुद नाफा कमाएको छ।
साथै विद्यमान कोरोनाभाइरसको नियन्त्रणका लागि स्थानीय निकायबाट जारी निर्देशनलाई समेत मध्यनजर गर्दै २०७६/७७ को वित्तीय विवरणहरुको बीमा समितिबाट सैद्धान्तिक सहमति पश्चात नेपाल वित्तीय प्रतिवेदनमान बमोजिम वित्तीय विवरणहरु समेत बीमा समितिबाट स्विकृति लिई दुबै आवको साधारणसभा चाँडो भन्दा चाँडो सम्पन्न गर्न तत्पर रहेको कम्पनीले जनाएको छ।
