खराब कर्जाले संकटग्रस्त बनेर थलिएको किष्ट प्रभु विकास बैंकसंग मर्ज भएर सामेबारदेखि प्रभु बैंकको नाममा एकीकृत कारोबार थालेपछि सधैका लागि किष्टको नाम मेटिएको हो ।
किष्टका प्रबन्ध संचालक कमल ज्ञवाली बैंकिङ कसुर लागेर बाहिरिएपछि बैंकको अबस्था झन् विग्रिएको थियो । प्रभु समूहसंग किष्टसँगै जेनिथ फाईनान्स र गौरीशंकर विकास बैंक मर्ज भएर प्रभु बैंक बनेको हो ।
प्रभुको मुख्य कार्यालय यसअघि किष्ट बैंकको मुख्य कार्यालय रहेको विजुलीबजारस्थित भवनमा रहेको छ । मर्जपछि प्रभुको चुक्ता पूँजी ३ अर्ब २० करोड ८८ लाख पुगेको छ । मर्जको क्रममा किष्टको ९७.३१, प्रभुको १०७.३१ गौरी शंकरको १०७.३१ र जेनिथको ९२.३१ शेयर मूल्य कायम गरिएको थियो । मर्जपछि बैंकको शाखा संख्या १ सय १२ पुगेको छ ।
