यस साता सेन्सेटिभ इण्डेक्स ०.५८ अंक अर्थात ०.१९ प्रतिशत बढेर ३१०.१५ विन्दुमा पुगेको छ।
नेप्से सूचक बढेसँगै कुल बजार पूँजीकरण पनि हालसम्मकै उच्च कायम भएको छ। यस साताको अन्तिम कारोबार दिन नेप्सेको कुल बजार पूँजीकरण २० खर्ब ९३ अर्ब पुगेको छ। यस अघि नेप्से असोज २ गते बजार पूँजीकरण सो अवधिसम्मको उच्च २० खर्ब ९० अर्बको पुगेको थियो।
नेप्से परिसूचक बढेपनि गत साताको तुलनामा यस साता कारोबार रकममा भने केही कमी आएको छ। गत साता १२ अर्ब १५ करोड बराबरको शेयर खरिदबिक्री भएको बजारमा यस साता ११ करोड ४२ लाख रुपैयाँ बराबरको शेयर कारोबार भएको छ। यस साता कुल १ लाख ८९ हजार ९५१ पटकको कारोबारमा ५ करोड २२ लाख कित्ता शेयर खरिदबिक्री भएको हो।
यस साता कारोबारमा आएका १२ उपसमूहमध्ये ६ उपसमूहको परिसूचक बढेको छ भने ६ को घटेको छ। यस साता सर्वाधिक विकास बैंक उपसमूहको परिसूचक सर्वाधिक ६.२५ प्रतिशत बढेको छ भने व्यापार उपसमूहको परिसूचक सर्वाधिक २.९५ प्रतिशत घटेको छ।
यस साताको फ्लोरसिट विश्लेषण गर्दा मोस्ट पपुलर बाइ स्टकमा सबैको लघुवित्त, नेशनल माइक्रोफाइनान्स, कामना सेवा विकास बैंक, एक्सेल डेभलपमेन्ट बैंक, सपोर्ट माइक्रोफाइनान्स लगायतका कम्पनीहरु परेका छन्।
त्यसैगरी, यस साता मोस्ट पपुलर सेल स्टकमा हिमाल दोलखा हाइड्रोपावर, युनिलिभर नेपाल, मिथिला लघुवित्त, मितेरी डेभलपमेन्ट बैंक, सिटिजन्स म्युचुअल फण्ड १ लगायतका कम्पनीहरु परेका छन्।
