यो आक्रमण एक निजी शैक्षिक संस्थाको भवनमा भएको हो, जसले उच्च शिक्षाको कयौँ कोर्श गराउँदै आएको छ ।
शिया मुसलमानको बहुल क्षेत्र दश्त–ए–बार्ची भन्ने स्थानको भवनलाई लक्षित गरी शनिबार आक्रमण भएको हो । जहाँ सयौँ मानिसहरु हुन्छन् ।
इस्लामिक स्टेट समूहले सामाजिक सञ्जालमा एक सन्देश पोष्ट गर्दै आक्रमणको जिम्मा लिएको छ तर कुनै प्रमाण भने पेश नगरेको जनाइएको छ ।
गृहमन्त्रालयका प्रवक्ता तारिक एरियनले विज्ञप्ति जारी गर्दै भने, एक आत्मघाती व्यक्ति भवनको भित्र जाने कोसिस गरेका थिए । सुरक्षाकर्मीहरुले उसलाई चिनेर रोके । त्यसपछि त्यो व्यक्तिले भवनको ढोकामै विष्फोट गराएको थियो ।
हालैका दिनहरुमा अफगानिस्तानमा हिंसा बढेको छ । अधिकांश आक्रमण तालिबान समूहले गरेको छ ।
