लघुवित्तले चालु आर्थिक वर्षको पहिलाे त्रैमासमा ६१ लाख ५८ हजार रुपैयाँ खुद नाफा आर्जन गरेको छ। याे गत आर्थिक वर्षको यसै अवधिकाे तुलनामा २९९.४ प्रतिशत अर्थात ४६ लाख १६ हजार रूपैयाँले बढी हाे। लघुवित्तले गत आर्थिक वर्षको यस अवधि १५ लाख ४२ हजार रुपैयाँ मात्रै खुद नाफा कमाएको थियो।
लघुवित्तले साे अवधिमा ६ कराेड ६ लाख रूपैयाँ खराब कर्जा उठाएपछि नाफामा सुधार देखिएकाे हाे।
असोज मसान्तसम्ममा लघुवित्तले १ करोड २६ लाख रुपैयाँ खुद ब्याज आम्दानी गरेको छ जुन गत आर्थिक वर्षको यसै अवधिको तुलनामा ३८ लाख २८ हजार रुपैयाँ बढी हो। यस अवधिमा लघुवित्तको सञ्चालन मुनाफा ५ करोड ९ लाख रुपैयाँले ऋणात्मक देखिएको छ।
यस अवधिसम्ममा लघुवित्तले २५ करोड ३१ लाख रुपैयाँ निक्षेप र ६३ करोड १२ लाख रुपैयाँ सापटीबाट ७८ करोड ४ लाख रुपैयाँ कर्जा लगानी गरेको छ।
चुक्ता पूँजी ५ करोड ७२ लाख रुपैयाँ रहेको यस लघुवित्तको जगेडा कोषमा २ कराेड ३५ लाख रुपैयाँ सञ्चित छ।
लघुवित्तको वार्षिक प्रतिशेयर आम्दानी १० रुपैयाँ ७६ पैसा कायम भएको छ। त्यसैगरी, लघुवित्तको प्रतिशेयर नेटवर्थ १४१ रुपैयाँ ९ पैसा र वार्षिक मूल्य आम्दानी अनुपात ६६.९२ गुणा कायम भएको छ।
गत आर्थिक वर्षको पहिलो त्रैमासमा १.०९ प्रतिशत रहेको लघुवित्तकोे निष्क्रिय कर्जा यस अवधिमा बढेर ४.२९ प्रतिशत पुगेको छ। यससँगै लघुवित्तले सम्भावित जोखिमबापत ५ करोड ९८ लाख ८० हजार रुपैयाँ छुट्याएको छ।
