उनले भने, अमेरिकामा पहिलो व्यक्तिलाई ११ डिसेम्बरमा भ्याक्सिन दिइनेछ । हाम्रो प्रयास यो छ कि, एफडीए भ्याक्सिनलाई अनुमति दिएसँगै हामी यसलाई लगाउने काम सुरु गर्नेछौँ। यसका लागि सम्पूर्ण तयारी पहिले नै पूरा भइसकेको छ । मलाई पूरै आशा छ कि, ११ वा १२ डिसेम्बरसम्म हामीलाई भ्याक्सिनको अनुमति प्राप्त हुनेछ । राज्यहरुले पनि यसका लागि सबै आवश्यक तयारीहरु पूरा गरिसकेका छन् ।
अमेरिकामा १० डिसेम्बरमा एफडीएको महत्वपूर्ण छलफल हुन गइरहेको छ। यसै दिन उक्त एजेन्सीले भ्याक्सिनलाई स्वीकृती दिनसक्ने मानिएको छ ।
कोरोना संक्रमण र मृत्यु हुनेको संख्यामा अमेरिका पहलिो स्थानमा रहेको छ । डिसेम्बरमा भ्याक्सिन आउने खबर अमेरिकी नागरिकहरु र जो बाइडेनको आउदो सरकारका लागि एउटा महत्वपूर्ण खबर हुने बताइएको छ ।
अमेरिकासँगै जर्मनी र बेलायतमा पनि भ्याक्सिन छिट्टै आउने भएको छ । यि देशहरुका अनुसार, भ्याक्सिनेशन डिसेम्बरमा औपचारिक रुपमा सुरु हुनेछ ।
जर्मनीका स्वास्थ्य मन्त्रीले पनि यो कुराको पुष्टि गरेका छन् कि, डिसेम्बरबाट भ्याक्सिनेशन सुरु हुनेछ ।
स्पेनमा जनवरीबाट भ्याक्सिनेशन सुरु हुने
स्पेनका प्रधानमन्त्री पेड्रो सान्चेझले देशमा भ्याक्सिनेशनको काम जनवरी महिनामा सुरु हुने बताए। उनले भने, हामीले आफ्नो तर्फबाट सम्पूर्ण जरुरी व्यवस्थाहरु गरिसकेका छौँ । देशमा जनवरीमा भ्याक्सिनेशन सुरु हुनेछ र तीन महिनामा पूरै देशलाई यसको डोज उपलब्ध गराउने गरी हामीले काम गरिरहेका छौँ । एजेन्सीको सहयोगमा