अमेरिकी जनरल सर्भिसेज एडमिनिस्ट्रेशनका प्रमुख एमिली मार्फीले सोमबार बाइडेनलाई एउटा पत्र लेखेर औपचारिक रुपमा आफ्नो कार्य प्रक्रिया शुरु गर्न सक्ने बताएका छन्।
यसदिन जापान बाहिरको एशिया–प्यासिफिक शेयरमा ०.१५ प्रतिशतको बढोत्तरी देखियो। यसैगरी, अस्ट्रेलियाको एसएण्डपी/एएसएक्स २०० सूचक १.१ प्रतिशत बढ्यो, जुन करिब ९ महिनाको आफ्नो उच्च स्तर नजिक थियो।
यता जापानको निक्केई सूचकमा २.४८ प्रतिशतको बढोत्तरी देखियो भने सियोलको कोस्पी सूचक ०.७४ प्रतिशतले बढ्यो।
यसैगरी चीनको ब्लू–चिप्समा ०.७५ प्रतिशत र हङकङको हाङसेङ ०.०८ प्रतिशतले बढ्यो।
कोभिड–१९ को भ्याक्सिनमा भएको प्रगतिले विश्वभरका लगानीकर्ताहरुमा आत्मविश्वास बढाउनुका साथै जोखिम कम हुने अपेक्षासँगै विश्व अर्थव्यवस्थामा तीव्र सुधारका लागि आशावादीता बढाएको छ।
सोमबार वाल स्ट्रीटमा डउ जोन्स इन्डस्ट्रियल एभरेज १.१२ प्रतिशत बढ्यो। यसैगरी, एसएण्डपी ५०० सूचकमा ०.५६ प्रतिशतको बढोत्तरी देखियो, जबकि नास्डाक कम्पोजिटमा ०.२२ प्रतिशतको वृद्धि भयो। एजेन्सी